About Us

Rreth Nesh

Fillimet (1991)

Historia e Korporatës Gogaj fillon në vitin 1991, në qytetin e Deçanit, si një biznes i vogël familjar. Me një vizion të qartë për t’i ofruar tregut produkte cilësore për ndërtim dhe shtëpi, u hodhën themelet e suksesit që do të pasonte.

Zhvillimi (1995–2010)

Në vitet pasuese, biznesi nisi të rritej me hapa të qëndrueshëm. Katalogu i produkteve u zgjerua, duke përfshirë sanitarinë, ndriçimin dhe mobiliet, ndërsa shërbimi i përkushtuar ndaj klientëve forcoi reputacionin e kompanisë si një partner i besueshëm.

Ekspansioni (2010–2020)

Me investime të vazhdueshme, bashkëpunime me brendet më të njohura evropiane dhe vizion modern, Gogaj kaloi nga një biznes familjar në një korporatë të konsoliduar. Gjatë kësaj periudhe u shtri në Pejë dhe Prishtinë, duke krijuar hapësira të reja tregtare dhe duke ofruar mijëra artikuj për klientët.

Sot (2020 – vazhdim)

Sot, Korporata Gogaj është ndër liderët kryesorë në tregun vendor, me mbi 400 punëtorë aktivë, mbi 70,000 artikuj dhe rreth 50,000 m² hapësirë biznesore në Deçan, Pejë dhe Prishtinë.

Kategoritë tona kryesore:

Sanitari
Ndriçim
Mobilieri
Bau & material ndërtimi
Kopsht
Elektroshtëpiake
Ngrohje qendrore
Fasada dhe ngjyra

Kompanitë nën ombrellën e Gogaj:

Gogajpharm – Barnatore
Go Home – Fabrika e mobiljeve
Gogaj Construction – Fabrika e ndërtimit
EuroGo – Fabrika e izolirave
Kaqorraj Beton – Fabrika e betonit
Royal Mall Prishtinë – Qendër tregtare moderne në kryeqytet

Forca jonë unike – Distribuimi

Një ndër shtyllat më të forta të Korporatës Gogaj është rrjeti i fuqishëm i distribuimit.
Sot, ne furnizojmë me shumicë mbi 1,600 pika shitjeje në tërë territorin e Kosovës, duke garantuar prezencë të gjerë, furnizim të shpejtë dhe partneritet afatgjatë me bizneset vendore.

Misioni dhe Vizioni ynë

Misioni dhe vizioni ynë është të shtrihemi në çdo cep të Kosovës përmes showroom-eve moderne, duke qenë gjithmonë afër klientëve tanë.
Në të njëjtën kohë, synimi ynë është që aktivitetin e suksesshëm ta zgjerojmë edhe përtej kufijve të Kosovës, duke u bërë një emër i fuqishëm rajonal në sektorin e ndërtimit, mobilimit dhe tregtisë moderne.